Chonacsa an Grianghraf…

Maria Ní Mhurchú

Chonacsa an grianghraf

Agus tháinig tocht im’ chroí

Ní raibh an dochtúir

Ábalta ar an ngin bheag a thógaint

Ón mbroinn…

Mar chaillfí an leanbh.

D’oibrigh an dochtúir sa doircheacht

Ag cur poll san útaras

Ag socrú cnámh droma… spina bifida an linbh.

Míorúilt.

Lámha stiúrtha ag aingil

Ó Neamh anuas

Ach ní hé sin a d’fhág na deora

Ag sileadh liom

No, ach an phictiúirín –

Láimhín beag an linbh

A sháigh sé amach as an ndoircheacht

A bheir greim daingean ar mhéar

An mháinlia chruthaithigh

Ag gabháil buíochais leis.

2018